Matias Skard: «Som Israel med veldug hand»

«Som Israel med veldug hand»
av Matias Skard

Tone: Op, glædes alle, eller (med upptaking av siste lina) Min sjæl og aand.

1. Som Israel med veldug hand
   du førde ut or trældoms land
   og fridom vilde gjeva,
   og eiden dyr og heilag svor
   at når dei lydde dine ord,
   dei lenge skulde liva.
    
2. So løyste ogso Norigs land
   du lint or lange trældoms hand,
   med vår på vangen dagna,
   og enno står det ord med magt
   der sjølv du heve lovi lagt
   for signa folkelagnad.
    
3. Og som ditt folk med takkesong
   for frelsa ifrå naud og trong
   med heilag hug deg lova,
   so lær og oss å ansa rett
   og takka deg frå ætt til ætt,
   vår Gud, for fridoms gåva.
    
4. Lat oss vår fridom bruka so,
   at vent han veks og vara må,
   og ei av urett styggjast;
   ja i di sanning fri oss gjer,
   og oss den rette lydnad lær,
   so fridoms tre må tryggjast.
    
5. Lat fedreminni helging få
   frå heilagdomen, so dei må
   på dine vegar peika,
   og smelt du ved din altareld
   vårt modersmål, so fint det fell
   som orgeltonar leika.
    
6. Velsign vårt land, å milde Gud,
   og folket rundt i borg og bud,
   i kvar sitt kall og yrke;
   gjer landet kjært, so kva det krev
   til vern og vokster, alt me gjev
   med helga offerstyrke.
    
7. Lær små og store, møy og mann,
   å elska folk og fedraland
   i yrket som i ordi,
   so av vår bøn og gjerning gror
   vår fridom trygg, vår framtid stor
   på dyre fedrejordi.
    

Kjeldor

Seip, Karl: En liten visebok for hjemmet. Oslo : H. Aschehoug & Co. (W. Nygaard), 1929.