Gunildur Siugurdardotter sitt testamente (1342)
|
|
Samandrag
Gunildur Siugurdar dotter sitt testamente (1342), der ho vel gravstad i Nidaros domkirkje og gjev ymse jordegods til kirkja og kannikane, og dessutan gods og pengar til slektningane sine, til predikebrørne med fleire. Versjonen i Diplomatarium Norvegicum er basert på originalpergamentet i Dipl.Arn.Magn., fasc. 10 nr 3.
Tekst
|
Jn nomine domini amen. anno eiusdem millesimo trecentesimo quadragesimo secundo septimo jdus Maij. gerde ek Gunildur Siugurdar dotter heil at samuidsku þo at krank j likam þetta mitt testamentum gudi til hæidrs jumfru sancte Marie ok hinum helga Olafue kononge. salo mini til æilifuar sælo. inprimis kys ek mer leghstad j Kristkirkiu garde hia Brynildi modor minni. ok gefur ek þar til halfua .x. spanna leigu jardar j Oraldsuik er liggr a Nordmære j Aura skipreidu. jtem gefur ek Cristkirkiu til uppheildis .iii. spanna leigu j Hænso vik. er liggr a Nordmære j Haulsynia skipreidu. ok iii. spanna leighu j Bærge er liggr a Nordmære j Aura skipreidu a þænn hatt at Cristkirkia gere mina utfærd med iiij. pundum vax. mork peninga. ii skillinga enska. ok luka korsbrædrom x. aura brenda. firir motegangu likams mins ok skrasættningh namfns mins j aartidarbok. jtem skolaklerkom mork peninga. jtem gefur ek til Olafus kirkiu halfua adra spans leighu j Sætre er liggr a Nordmære j Solæyiasundi a þen haat at soknar prestren gere þar vtferd mina med halfu adru pundi vax ok halfure mork peninga. skal jorden liggia æfuenlega prestenom til bords. jtem gefur ek Predicara brædrom. fim merkr forngildar. jtem gefur ek sira Særkuiri brodor minum ok langu fyr gefuet hæfuir min luta j Brattanom med ollu þi sem til hæyrir. jtem gefur ek mer til seaundar gerdar Olafue minum ij. spanna leigu j Linuik. er liggr a Nordmære. jtem hefuir ek langu gefuet Olafue minum so mikit j Miolfua sem fader min atte j. ok skipet Stongena. ok en stadfestir ek þerssa giof. ok allar adrar her nemfdar til obrigdileggrar þerssa mins testamenti stadfestu. hia uerandom Olafue loghmanne Juare Andors syni ok Særkuiri Arna syni. var þetta gort skipat ok stadfest j Nidarose a tyrsdaghen sidasta a uettre a þi aare sem fyr sæghir. |
