Emne:Midt-Norge
Frå Alnakka.net
SKANDINAVIA • Europa • Afrika • Midtausten • Sentral-Asia • Sør-Asia • Aust-Asia & Oseania • Amerika Austlandet • Agder • Vestlandet • MIDT-NORGE • Nord-Norge • Norrland • Jämtland • Svealand • Götaland • Skåne • Danmark • Færøyane • Island • Finland Nordmør • Fosen • Uttrøndelag • Trondheim • Inntrøndelag • Namdalen |
Nordmøring, òg kalla nordmørsdialekt, nordmørsmål og nordmørsk, er den tradisjonelle språkforma av skandinavisk som blir tala på Nordmør, på Eidsøra i Nesset kommune i Romsdalen og i mestparten av Hemne og Snillfjord kommunar i Fosen. Nordmørsdialekten, som i lag med fosendialekten og ytre namdalsmål blir klassifisert under den uttrøndske gruppa av trønder, har tjukk l i ord med historisk L, kløyvd infinitiv, jamvekt med varierande grad av vokaljamning, ein del apokope, olik böying av sterke og svake hokjønsord, ein del palatalisering i trykktung og (oftast) trykklett staving, og dativ (ikkje i bymål, mest i eldre mål på Smøla og i Hemne, og på vikande front elles òg blant dem som er fødd etter kring 1970). Les meir …
Johan Daniel Berlin (1714–1787) var ein komponist, organist og bymusikar i Trondheim. Berlin vart fødd den 12. mai 1714 i den prøyssiske byen Memel, i det novarande Litauen. Han reiste til København i 1730 og lærte med bymusikaren Andreas Berg de neste sju åra. Frå 1737 til 1767 var han bymusikar (stadsmusikant) i Trondheim. Berlin var òg organist i Nidarosdomen (1741–1787) og Vår Frue kirkje i Trondheim (1752–1761). Les meir …
David Glick (f. 4.10.1907 i Trondhjem; d. 22.01.1943 i Auschwitz) var ein asjkenazisk ekspeditør og transportarbeidar som vaks opp i Trondhjem. Han flytta til Sunndalsøra på Nordmør laurdagen den 6. september 1941 og arbeidde som transportassistent der fram til han vart arrestert av nazistane den 27. oktober 1942. Den 26. november vart han deportert med fangeskipet Donau og sendt til Auschwitz, der han vart drepen den 22. januar 1943. Les meir …
Saltfiskball (utt. ["sɑļ:hƫfɪskˌbɑļ:] el. ["sɑļ:hƫfeskˌbɑļ:]) er ein fiske- og potetrett frå Romsdal, Ytre Nordmør og Fosen. Hovudingrediensane i blandaballen er saltfisk (gjerne hyse eller lyr), potet og grynmjøl og/eller kveitemjøl. Saltfiskball er spesielt populær mat på Smøla på Nordmør. Les meir … Ivar J. Høyem (1843–1896) var ein lærar og sokneprest frå Byneset ved Trondheim i Sør-Trøndelag. Frå 1871 arbeidde han som lærar i Trondheim, og han fikk Cand.Theol.-graden i 1876. Han gav ut to nynorske grammatikkar i 1880: Norsk mållære og Ei lita mållære. Som den eldre bror sin, han Olav Jakobsen Høyem, kjempa han for ein nynorsk skriftnormal som låg vesentlig nærmare trønder enn kva Ivar Aasen sin skriftnormal gjorde. I 1883 vart han sokneprest i Bremanger prestgjeld. Les meir … Kristofer Oliver Uppdal (1878–1961) var ein forfattar og målmann frå Innherred. Uppdal skreiv på landsmål med varierande grad av innslag frå inntrønder. Det mest kjente verket hans er Dansen gjenom skuggeheimen, der han skildrar rallarlivet og framveksten av den norske arbeidarrørsla. I dag blir den eldfulle og krevande lyrikken hans rekna blant dei fremste eksempla på modernismen i skandinavisk diktekunst kring første verdskrigen. Les meir … Ingeborg Åsen Vatten (f. 1924) er ein forfattar frå Nordmør som blant anna er kjent for Ales-trilogien. Ingeborg Johanne Aasen vart fødd den 8. april 1924 som det yngste av de to borna ått Ildri (d. 1963) og Erik J. Aasen (1895–1961). Ildri og Erik var straumsnessingar, men de tok over Ersvikja på Tustna etter slekta hennar Ildri der i 1921. Gammelfolket hadde kår der til de dødde; Edvard H. Ersvik dødde i 1944, og Marit Iversdt. Kamsvåg dødde 102 år gammel i 1972. Mykje av handlinga i bøkerne hennar Ingeborg er inspirert av oppveksten hennar i Ersvikja. Les meir …
Edøya er ei 7,5 km² stor øy i Smøla kommune på Nordmør. Det ligg to matrikkelgardar på øya, Edøy (gnr. 13) og Kyrhaug (gnr. 12). Edøya, som ligg strategisk til ved inngangen til Trondheimsleia (tidlegare kalla Skeida), var stormannssete i mellomalderen og gav namn til det sørlige halvfylket av det gamle Norðmǿrafylki, etterkvart kjent som Edøy len. Edøy len vart vidareført i Nordmørs futedømme, som i sin tur i hovudtrekk svarar til de elleve nordmørskommunane i vår tid. Øya er blant anna kjent for Edøy gamle kirkje, ei steinkirkje som vart bygd kring 1190 — opprinnelig truleg som gardskapell. I nyare tid har øya gjeve namn til Edøy prestegjeld, som vart utskilt frå Aure prestegjeld i 1749, og Edøy formannsskapsdistrikt. Les meir …
Søvesten er ei lokalavis som blir utgjeva på Kyrksæterøra i Heim kommune. Hovuddekningsområdet er Heim kommune og Aure kommune. Søvesten kjem ut éin gong i vekka — kvar torsdag. Ansvarleg redaktør i 2010 var May S. Bjørkaas. Les meir … Klippen var det katolske menigheitsbladet for Midt-Norge frå 1950 til 1978. Frå og med 1979 vart bladet ihopslege med dei nordnorske og sørnorske menigheitsblada og vidareført som Broen. Les meir … Hørkelgaddan er eit folkemusikk- og gammaldansensemble frå Tingvoll på Nordmør som vart stifta i 1974. Ensemblet har gjeve ut fem album med folkemusikk frå Nordmør og delteke på meir enn 25 radio- og TV-program. I tillegg til vanlege konsertar og dansetilstellingar har ensemblet spela ei rekkje konsertar for Rikskonsertene. Dei har òg gjenomført turnéar til Sverige, Polen og USA. Hørkelgaddan vann Spellemannprisen 1981 i klassen folkemusikk/gammaldans for albumet Tøffelmusikk. Les meir …
Langholmen (D på Langholma) er eit fråflytta fiskevær på ei langstrekt samling av tettliggjande holmar utom Golmøya i Aure kommune på Nordmør. Dei første fast busette vi veit om er registrert i kirkjebøkerne frå 1751 og framover, og dei siste fastbuande flytta frå Langholmen i 1970-åra. Været Langholmen, som opprinnelig haurde til Golmå, låg under væreigarar i Kristiansund i hundre år: under Christie-familien frå 1822 til 1910, og under Hans Christian Olaus Aass frå 1910 til 1923, da Langholmen kom på lokale hender. Les meir …
Ertvågsøya eller Artvågsøya (uttale ["ɑʈ:ʋɔksˌʌya] (N/A), ["ɑʈ:ʋɔksˌʌ:’n] (D); òg skreve Ertvågøya) er ei øy i Aure kommune som grensar til Stabblandet over Imarsundet i vest og til fastlandet i Aure i aust. Vestsida av øya haurde tidligare til Tustna kommune og sørsida til Valsøyfjord kommune, men i förbindelse med kommunereformen 1. januar 1964 vart heile Ertvågsøya lagt til Aure kommune. Les meir …
Omgrepet geitbåt viser vanlegvis til den tradisjonelle opne og oftast spissgatta ro- og seglbåttypen frå Nordmør og Romsdalen — og i eldre tid Fosen og området kring Trondheimsfjorden òg. Geitbåten hører typologisk sett med til dei rundstamna vestlandsbåtane heller enn til dei i nyare tid mykje meir rettstamna åfjordsbåtane og nordlandsbåtane. Geitbåten skil seg ut frå dei andre tradisjonelle opne båttypane frå Vestlandet og nordover ved den korte og relativt djupe kjølen, den halvplanande skrogforma og den veldig langstrakte overgangen frå kjøl til stamn — eigenskapar som gjer denne båten til ein djerv havseglar og god bidevindsseglar. Les meir … Mek tinglag eller Meks tinglag var på 1600-talet og utover til tidlig på 1800-talet den rettslige administrative einheita som dekte novarande Averøy kommune og ytre deler av Eide på Nordmør, no i Hustadvika kommune. Tinglaget grensa til Gjemnes tinglag på Nordmør i sør og aust. I sørvest grensa tinglaget til Våge åtting i Romsdal. Les meir …
|
|