Trondheimsleia

Trondheimsleia er havområdet mellom Smøla og Aure kommunar på Nordmør og mellom Hitra kommune og kommunane Hemne, Snillfjord og Agdenes i Fosen.

Trondheimsleia strekkjer seg 94 km nordaustover frå nordsida av Tustna i sørvest til innløpet til Trondheimsfjorden ved Agdenes i nordaust. Den delen av Trondheimsleia som ligg sørom Smøla blir òg kalla Edøyfjorden. Mellom Smøla og Hitra går Ramsøyfjorden sørover til Trondheimsleia, og herifrå går leia inn i Fosen.

Av bygder og tettstader langs leia finn vi Leirå på Tustna, Tjeldbergodden i Aure, Sandstad og Grindvika på Hitra, og Vassbygda.

Sidefjordar og delfjordar

• Edøyfjorden er ein delfjord sørom Smøla
• Foldfjorden er ein fjordarm på Ertvågsøya
• Søraust for Skardsøya ligg Årvågsfjorden
• Ramsøyfjorden går mellom Smøla og Hitra, inn til Trondheimsleia.
• Mistfjorden er ein fjord i Hemne, austom Tjeldbergodden.
• Hemnfjorden er eit fjordsystem i Hemne og Snillfjord.
  • Åstfjorden
  • Bjørkøyfjorden
  • Snillfjorden
• Imsterfjorden i Snillfjord, sørom Sørleksa
• Verrafjorden, innom Agdenes

Samferdsel

Hurtigruta og Kystekspressen mellom Kristiansund og Trondheim trafikkerer Trondheimsleia på langs. I tillegg kryssar fleire ferjerutor leia:

• Frå Medholmen går det ferje over til Brekstad i nord.
• Frå Agdenes går det ferje til Nordleksa og vidare nordover til Garten og Storfosna.
• Frå Sandvika på Tustna i Aure kommune til Edøya i Smøla kommune.

Leia er veldig djup, opptil 250 meter på det djupaste, noko som skapte problem da Hitratunnelen vart prosjektert. Mellom Jøstenøya på Hitra og Hemnskjela i Snillfjord vart det funne ein terskel som «berre» var 185 meter djup, og her vart tunnelen til slutt bygd med det lågaste punktet på 264 meter.

Denne artikkelen er heilt eller delvis basert på artikkelen «Trondheimsleia» frå Nynorsk Wikipedia og kan kopierast, distribuerast og/eller endrast slik det er sett opp i GNU fri dokumentasjonslisens. For ei liste over bidragsytarar til den opprinnelege artikkelen, sjå endringshistorikk knytt til den opprinnelege artikkelen. For ei liste over bidragsytarar til denne versjonen, sjå endringshistorikk knytt til denne sida.