Norsk klippfiskmuseum
Norsk klippfiskmuseum ligg i Kristiansund og er etablert som ein del av Nordmøre Museum. Museet held til i Milnbrygga, ei autentisk kleppfiskbryggje frå midt på 1700-talet. Museet viser kossen kleppfiskproduksjonen har gått for seg i Norge gjenom meir enn 250 år. Til bryggja hører kleppfiskberg og vaskeplass for fisk. Anlegget ligg sentralt ved hamna, midt i bybildet i Kristiansund. Kvart år blir det arrangert bacalaofestival der, der firma og kleppfiskentusiastar konkurrerer om å laga den beste bacalaoen. På norsk blir ordet bacalao bruka om ein gryterett av kleppfisk.
Her har det vorte produsert kleppfisk sidan före 1749, da den skotske kleppfiskkjøpmannen William Gordon reiste de eldste delene av bryggja. Bygninga fikk namn etter ein seinare eigar, også han ein av de skotske kleppfiskkjøpmennene, Walter Miln.
Milnbrygga er ei bryggje bygd i lafta tømmer og med store svalgangar på langs. På Nordmør, i Trøndelag og nordover tyder bryggje ei sjybu som står plassert i landskapet slik at ho har direkte tilflott — det vil seie at båtar og farty kan leggast rett inntil bygninga slik at lasting og lossing skjer direkte mellom bygning og båt.
Litteratur
- Gjertsen, Karl Ragnar: «Bacalao Superior Sin Espinas : om tilvirkning av klippfisk.» Årbok for Nordmøre 1992, s. 160–192.
- Sylthe, Christ Allan: «Den nordmørske svalgangsbrygga». Årbok for Nordmøre 1992, s. 79–148.
Pekarar
- Norsk klippfiskmuseum på nettsidone til Nordmøre Museum
![]() |
Denne artikkelen er heilt eller delvis basert på artikkelen «Norsk klippfiskmuseum» frå Bokmålswikipediaen og kan kopierast, distribuerast og/eller endrast slik det er sett opp i GNU fri dokumentasjonslisens. For ei liste over bidragsytarar til den opprinnelige artikkelen, sjå endringshistorikk knytt til den opprinnelige artikkelen. For ei liste over bidragsytarar til denne versjonen, sjå endringshistorikk knytt til den sida. |