Ivar Aasen: «Haralds-haugen»
Frå Alnakka.net
«Haralds-haugen»
av Ivar Aasen
- Her ser eg Haralds
haug fyre augom;
lenge var eg lystad
at lydast til honom.
Botnad på berget
berrsynt mun han standa
millom hump og hamar
på Hauga-landet.
- Vist er han vorden
vonom mindre.
Grunnen er graven,
grassvorden riven;
åker er upplagd
um allan haugen;
aksi glima globjart
på gløymde gravi.
- Her hever fagna folk
faret or heimen;
her hev’ ein gild gut
gjenget til kvila.
Harald hårfagre
høyrde du vel gjetet;
nog er i Norig
namn hans kunnigt.
- Inkje tarv han, tenkjer eg,
tavla på gravi,
stein elder stopel
med store ord skriven.
Sjølv hev han sett seg
synlege minne,
dei, som vist mun vara,
til verdi øydest.
- Ringt var det riket,
som råda han skulde;
storo var det stiget,
då styret han slepte.
So var det skjet skifte
i skipnaden inne,
som i kolmyrka koven,
når kola er tendrad.
- Etter kom or ætti hans
ervingar dyre,
dei, som værde våro
verdi å styra;
dugstore, dådstore,
dugderike sellar,
nog er i Norig
namn, som klinga.
- Lidna ero langa,
ljosa tider!
Då var dåd og dygd
med Dovralands gutom,
stod i blidom blome
Blåberg-landet;
heider og heppa
var i Haralds rike.
- Lidna ero langa,
låka tider!
Haralds-ætti øydest,
og ilt var skiftet;
måttlaus, modlaus,
minnelaus var lyden;
hædt og herjat
var Haralds rike.
- Endå trur eg, anden hans,
yver oss mun sviva,
lydast um landet,
leita etter storverk.
Myket mun han fegnast, når manndom han finner,
når som lands lyden
likjest forfedrom.
- Fram då, frendar,
i fredlege kappstig!
Rette det, som rengt er,
reise det, som velt er;
byggje og bøte
med bot, som duger;
gjere verk, som vara,
til verdi øydest!
Forklaringar
- lydast til, besøge.
- botnad, grundlagt.
- berrsynt, let at se.
- hump, bjergknold.
- hamar, fjeldvæg.
- vonom, ikke lidet.
- grassvord, grønsvær.
- globjart. tindrende klart.
- fagna, dygtig.
- heim, verden.
- gjetet, omtalt.
- kove, kammer.
- kola, lampe.
- tendra, tænde.
- selle, herre.
- heidr, hæder.
- heppa, held.
- låk, ussel.
- lyd, folk.
- hædt, forhaanet.
- fegnast, glæde sig.
- likjest, ligner.
- rengt, forvrængt.
- velt, veltet.
Kjeldor
Pauss, B. & Lassen, H.: Læsebog i modersmaalet. Den mindre udgave. Sjette bind. Tredje oplag. Kristiania (Th. Steen & Alb. Cammermeyers Forlag), 1896.