Aasmund Olavsson Vinje: «Gamle mo’r»

«Gamle mo’r»
av Aasmund Olavsson Vinje

1. Du gamle mo’r! du sliter arm,
   so sveitten er som blod,
   men endå i dit hjarta varm,
   og du meg gav min sterke arm,
   og dette ville mod.
    
2. Du turkad tårer av mitt kinn
   somangein, mangein gong,
   og kyste meg som guten din
   og bles meg uti barmen inn
   min sigerfulle song.
    
3. Og gamle du, du gav til meg
   mi mjuke hjarte-rot,
   og derfor må eg elska deg,
   kvarhelst eg vankar på min veg,
   um so på villan fot.
    

Musikk

Edvard Grieg sette musikk til «Gamle mo’r» og inkluderte songen i 12 Melodier til Dikt av Aasmund Olavsson Vinje, opus 33. «Gamle mo’r» er nummer 7. Ein rein pianoversjon finst òg (opus 52, nr. 6).

Ordforklaringar

• siger, seir.

Kjeldor

Pauss, B. & Lassen, H.: Læsebog i modersmaalet. Den mindre udgave. Sjette bind. Tredje oplag. Kristiania (Th. Steen & Alb. Cammermeyers Forlag), 1896.