1914

1914 evt. i andre kalendrar

Jødisk	5674–5675
Islamsk	1332–1333
Iransk	1292–1293
Hindu
- Vikram Samvat	1969–1970
- Sjāka Samvat	1836–1837
- Kaliyuga	5015–5016
Ab urbe condita	2667
Gregoriansk	1914 MCMXIV

Fødslar

Abraham Lopes Cardozo z”l (f. 27. september 1914 i Nederland, d. 21. februar 2006) var ein nederlandsk-sefardisk ḥazzán og rabbinar som var særleg kjent for arbeidet sitt med å vidareføre og dokumentere den portugisarjødiske tradisjonen. Abraham Lopes Cardozo vart fødd i 1914 i Nederland som son ått Joseph Lopes Cardozo. Han studerte ved Ets Chaim-seminariet i Amsterdam. I 1939 vart han utnemnt til rabbinar for den sefardiske menigheita i Paramaribo i Surinam. I 1946 kom han så til New York City som ḥazzán ved Shearith Israel — og han vart varande i den stillinga til han gikk av med pensjon i 1984.   Les meir …

Jan-Magnus Bruheim (f. 15. februar 1914 i Skjåk; d. 10. august 1988) var ein forfattar og diktar. Etter endt skulegang arbeidde han på gard nån år føre han begynte som lærar i Vågå i 1957. Skulesentraliseringa på 1960-talet førte til at han slutta i skuleverket, men han fortsette med å drive opplysningsarbeid i fleire år og besøkte grunnskular og folkehøgskular over heile landet med kåseri og opplesing. Bruheim skreiv lyrikk, barnebøker og ein roman. Han utvikla seg frå å vara ein konvensjonell sentrallyrikar til ein utprega etisk-religiøs diktar.   Les meir …

Dødsfall

Hans Ross.

Foto: Ludwik Szacinski

Hans Ross (f. 14. april 1833; d. 16. juli 1914) var ein teolog, ordboksredaktør, målmann og statsstipendiat frå Mandal. Hans Matthias Elisæus Ross vart fødd søndag den 14. april 1833 i Holum i Mandal. Han var presteson og vart student i 1849, etter å ha vore elev av blant andre lektor Ole Kristian Thistedahl ved Kristiansand katedralskole. I 1852 vart han cand.theol. Han arbeidde deretter som lærarvikar, studerte tysk i Tyskland 1856–57, engelsk i England 1859–60 og underviste i språk ved skular i Christiania. Etter sitt første møte med Ivar Aasen i 1857, fann Ross livsoppgåva si i å vidareføre og utvide Aasen sitt ordboksverk.   Les meir …

Etableringar

Nordlandet kirkje.

Foto: Olve Utne, november 2009.

Nordlandet kirkje er ei steinkirkje i jugendstil som vart bygd i 1913–1914. Arkitekt var kirkjearkitekt Hagbarth Schytte Berg (1860–1944) frå Trondheim, og byggmeister Ole Havnæs frå Ålesund hadde hovudenterprisen for oppføringa. Hovudmaterialet for veggene var lokal, handhogd gråstein. Takstolane av tre er synlige frå kirkjerommet. Glasmåleria og bilda på veggene vart laga av Emanuel Vigeland (1875–1948). Kirkja er kjent for den gode akustikken og blir mykje bruka til konsertar.   Les meir …

Bygdøynes i april 2011, med NMM (hovudbygninga og båthallen) til venstre, Frammuseet i midten og litt av Kon-Tiki Museet lengst til høgre.

Foto:Olve Utne

Norsk Maritimt Museum, tidlegare (1914–2009) Norsk Sjøfartsmuseum, er eit nasjonalt museum for sjøfart og andre historiske og notidige aktivitetar tilknytt saltvatn og ferskvatn i Norge. I tillegg har museet marinarkeologisk kompetanse; og dei har forvaltningsansvar for kulturminne under vatn i alle fylka på Austlandet og Sørlandet. Norsk Sjøfartsmuseum vart stifta i 1914 og tok over mange av gjenstandane frå Norges Jubileumsutstilling 1914, som vart halden i Frognerparken frå 15. mai til 11. oktober. Dei første åra vart gjenstandane lagra, men frå 1929 fikk museet disponere utstillingslokale ved Norsk Folkemuseum på Bygdøy i Oslo. Dei novarande lokala rett sørom Frammuseet (1935– ) og Kon-Tiki Museet (1950– ) på Bygdøynes vart nyoppført for Sjøfartsmuseet. Bygningane vart påbegynt etter andre verdskrigen, og i 1960 flytta museet inn. Siste byggetrinnet vart fullført i 1974.   Les meir …

 

Andre hendelsar

 

<<   1900-talet   >>

<< 1900 | 1901 | 1902 | 1903 | 1904 | 1905 | 1906 | 1907 | 1908 | 1909 | 1910 | 1911 | 1912 | 1913 | 1914 | 1915 | 1916 | 1917 | 1918 | 1919 | 1920 | 1921 | 1922 | 1923 | 1924 | 1925 | 1926 | 1927 | 1928 | 1929 | 1930 | 1931 | 1932 | 1933 | 1934 | 1935 | 1936 | 1937 | 1938 | 1939 | 1940 | 1941 | 1942 | 1943 | 1944 | 1945 | 1946 | 1947 | 1948 | 1949 | 1950 | 1951 | 1952 | 1953 | 1954 | 1955 | 1956 | 1957 | 1958 | 1959 | 1960 | 1961 | 1962 | 1963 | 1964 | 1965 | 1966 | 1967 | 1968 | 1969 | 1970 | 1971 | 1972 | 1973 | 1974 | 1975 | 1976 | 1977 | 1978 | 1979 | 1980 | 1981 | 1982 | 1983 | 1984 | 1985 | 1986 | 1987 | 1988 | 1989 | 1990 | 1991 | 1992 | 1993 | 1994 | 1995 | 1996 | 1997 | 1998 | 1999 >>