Subrahmanyan Chandrasekhar

Subrahmanyan Chandrasekhar (tamiḷ: சுப்பிரமணியன் சந்திரசேகர் Suppiramaṇiyan Santirasehar, 19. oktober 1910 – 21. august 1995) var ein indisk fysikar, astrofysikar og matematikar. Han vart fødd i Lahore i det davarande Britisk India (no Pakistan). Han var nevø av nobelprisvinnaren i fysikk C. V. Raman. Chandrasekhar studerte fysikk ved Presidency college i det davarande Madras (no Chennai) i Tamil Nadu i det søraustlege India.

Chandrasekhar vart tildelt Nobelprisen i fysikk i 1983 for studia sine av dei fysiske prosessane som er viktige for strukturen og utviklinga av stjernor. Han delte prisen med fysikaren William Alfred Fowler.

Subrahmanyan Chandrasekhar var tilsett ved University of Chicago frå 1937 til han dødde i 1995, 85 år gammel.

Prisar

• 1949 - Henry Norris Russell Lectureship
• 1952 - Bruce Medal
• 1953 - Gold Medal of the Royal Astronomical Society
• 1971 - Henry Draper Medal
• 1983 - Nobelprisen i fysikk
• 1984 - Copley Medal frå Royal Society

Oppattkallingar

• 1958 - asteroiden 1958 Chandra vart oppkalla etter Chandrasekhar.
• 1999 - NASA kalla opp det tredje av sine fire «store observatorium» etter Chandrasekhar etter ein namnekonkurranse med 6.000 kandidatar frå femti amerikanske statar og 61 land. Chandra X-ray Observatory (Chandra røntgenstråleobservatorium) vart sendt opp og teke i bruk av romferja Columbia den 31. juli 1999.

Sjå òg

• Chandrasekhargrensa

Pekarar

• National Academy of Sciences biography
• Harvard's site on Chandrasekhar
• Subrahmanyan Chandrasekhar
• Subrahmanyan Chandrasekhar

• Bruce Medal page
• Awarding of Bruce Medal: PASP 64 (1952) 55

Nekrologar

• BAAS 28 (1996) 1448
• Obs 116 (1996) 121 comment
• PASP 109 (1997) 73
• QJRAS 37 (1996) 261

Denne artikkelen er heilt eller delvis basert på artikkelen «Subrahmanyan Chandrasekhar» frå Nynorsk Wikipedia og kan kopierast, distribuerast og/eller endrast slik det er sett opp i GNU fri dokumentasjonslisens. For ei liste over bidragsytarar til den opprinnelege artikkelen, sjå endringshistorikk knytt til den opprinnelege artikkelen. For ei liste over bidragsytarar til denne versjonen, sjå endringshistorikk knytt til denne sida.