Dei fem kornslaga

Dei fem kornslaga som ein tek ḥallá av og seier hammoṣí over brød av og som er forbodne for bruk under pesaḥ anna enn som maṣṣót er:

1. Ḥittím (vanleg kveite)
2. Kusmím
3. Sengorím (vanleg bygg)
4. Sjibbólet sjungál (toradsbygg)
5. Sjippón (rug?)

Nr.	Tenákh	Misjná	Jerusjalmí	Bablí	Tolkingar	Kornslag
1	Ḥittím	Ḥittím og zunín er ikkje kilájim (og kan dermed dyrkast samen) (Kilájim 1:1)				vanleg kveite
2	Kusmín	Kusmín og sjippón (er ikkje kil’ájim og kan dermed dyrkast samen) (Kilájim 1:1)		Kusmín er eit slag ḥittím. (Menaḥót 70a (10:7)) Kusmín er (arameisk) gulbá (Menaḥót 70a–b (10:7))		spelt
3	Sengorím	Semgorím og sjibbólet sjungál er ikkje kilájim og kan dermed dyrkast samen) (Kilájim 1:1)				vanleg bygg
4	Sjibbólet sjungál	Sengorím og sjibbólet sjungál er ikkje kilájim og kan dermed dyrkast samen) (Kilájim 1:1)		Sjibbólet sjungál er eit slag sengorím. (Menaḥót 70a (10:7))	Rashi seier at sjibbólet sjungál er «aveine» (havre). Sidan bygg og havre ofte har vorte dyrka samen (såkalla blandkorn) i Nordvest-Europa og sengorím (bygg) og sjibbólet sjungál ikkje er forboden blanding etter Kilájim 1:1, er dette ein fristande konklusjon. Det passar likevel dårleg med både biologien og alle andre halakhiske kjeldor. Rambam seier at sjibbólet sjungál er villbygg, det vil seie toradsbygg.	toradsbygg
5	Sjippón	Kusmín og sjippón (er ikkje kilájim og kan dermed dyrkast samen) (Kilájim 1:1)		Sjippón er eit slag sengorím. (Menaḥót 70a (10:7)) Sjippón er (arameisk) disjrá (Menaḥót 70b (10:7))	Rug har opphav i villrug, ein plante som har opphavet sitt i området kring Syria, Kurdistan og det sørlege Tyrkia. Det karakteristiske draget med bygg er dei lange agnene som kan minne om hår. Rug har halvlange agner og kan dermed grupperast med bygg. På den andre sida er rug nærmare i slekt med kveite, og i nyare tid har ein endatil laga ein hybrid mellom rug og kveite, triticale. Dette er foreinleg med at sjippón og kusmín blir rekna som nært nok i slekt til at dei ikkje er ei forboden blanding.	rug

Hafrísj ḥallá

Når ein lagar brøddeig av eitt eller fleire av dei fem kornslaga gjer ein hafrísj ḥallá — ein tek til sides ein deigklump på størrelse med ein kazájit, seier berakháen hafrísj ḥallá og legg deigbiten i omnen.

Hammoṣí

Når ein et brød laga av dei fem kornslaga seier ein hammoṣí.

Maṣṣá

Berre dei fem kornslaga er gyldige for miṣváen å eta maṣṣót på dei første kveldane av pesaḥ.